一碗肉燥 (喜薈)

營業中

休息中

舊年新開張嘅時候常常都有很多人等位排長龍，我也幫襯過幾次，好耐冇食，今日經過便入去睇吓有冇驚喜。係呢一區嚟講，店舖外觀時尚搶眼，俾人感覺年輕有活力。店內亦光猛舒適！食物種類唔多，主食幾款，配飯或麵，小吃又係有幾款，再加埋飲品幾款。完！套餐就係以上嘅組合。我點了兩個午餐～回魂黑醋豬軟骨併台灣腸原味肉燥飯。很讚紅燒牛肉原味燥底湯麵。整體來說，肉煮得夠淋，味道亦ok，但就唔係好道地囉！唔似食緊台灣嘢，啲豆角粒太生硬，隱若有陣草青味。條台灣腸好味可惜沒有分碟上，放咗係飯上面，拎到來已經淋咗。餐飲凍蜂蜜紅茶，淡淡嘅蜂蜜同紅茶配合得宜，清新可口。