瓊媽媽 (書局街)

營業中

休息中

今日下晝買咗個海南雞飯醫肚，隨餐有豉油同例湯，飯俾得好足，一人份量有多，雞下面有芽菜墊底，湯有紅白蘿蔔，算係有肉有菜，營養均衡。因為唔係午餐時間，所以冇排隊就直接order到，大概五分鐘就攞到份餐。油飯撈埋豉油唔錯，但係有啲飽過龍，因為本身份量多又加咗雞油，胃口細嘅可以揀菜飯白飯或者直接叫佢少飯。雞有少少血，但係可以接受，熟得滯會太鞋。芽菜飽滿味道清甜，中和一下油膩。例湯好正，濃得嚟又甜，加埋幾嚿蘿蔔，飲完好滿足。整體嚟講都幾滿意，除咗份量太多之外。