茶木‧台式休閒餐廳 (康怡廣場北座)

營業中

休息中

上次食過銅鑼灣嗰間都OK，今次試吓康怡呢間🤔鋪頭比較細，枱同枱之間都比較窄。午市餐牌都幾多選擇，價錢一般。黑芝麻醬雞絲冷手作麵（$86）真係幾求其嘅一碟餸🤣一碗雞絲、麵、青瓜絲同埋花生，跟住自己淋D買返嚟嘅芝麻醬...嗰醬太甜，芝麻味唔係咁濃。雞絲份量唔多，但係麵嘅份量就多。個人唔係好鍾意呢度嘅手作麵，白得來有少少透明又粗，好似糯米糍嘅口感。義式鱸魚青醬手作麵（$86）等左起碼20分鐘先到😓魚好大塊同埋炸得好靚😮魚肉都好白，比想像中出色。但係餐牌冇寫住炸嘅，而我個人唔係好食煎炸野，有啲失望但係都唔可以賴佢...😶但係個青醬撈手作面真係比較難食🤢，青醬太多油同埋比較稀，結D會再好D，配意大利粉會好味D。真係唔知點樣講好，呢碟餸又好又唔好🤣服務態度唔錯，午餐嘅份量都大，食物質素就唔得🙁咁嘅質素就算貴。