影片
更多
2016-11-22
827 瀏覽
由佢開業至今，因為唔同O既理由，我一共食過好幾次，多數都係飲茶如果要用二分法，問我呢度好唔好，我會話：差！無論晚市定係茶市，絕大部份O既樓面，見到你舉手都唔理你，話知你手拎住張點心咭O係空中舞龍有幾次，我自己拎埋張咭去搵佢地，樓面望到我，即刻迴避我O既眼神，調頭走.......我又唔係蛇妖.... 佢地會理我，就係落單O既時候 (當然亦要等佢地大發慈悲，記得要留意客人有無order)講到追單，我O係呢度追單O既經驗多過晒我O係其他地方O既經驗佢地落單，一係落錯，一係無落無一次例外！等左四個字都未有野食，又坐O係房，你最好預左無咩人會行入黎 (除左一個最近入職O既女人)，要自己行出去搵人問「我幾時有野食」然後要玩一次眼神對對踫，對到，你又夠guts行過去迫佢理你，咁你就可以追單有一次，我一個鐘入面追單追左4次，頭3次d人都話會幫你跟，跟黎跟去都無人話我知原來無入單，一直到第四個人講我知，我地都走囉，就取消未黎O既幾樣野仲有一樣係佢地先做到O既...O係第二度，你有飛，飛上有號碼，叫到O個個號碼你就知道到你入座，表示你可以入去食野O係呢度，你有張飛，飛上有號碼，叫到個號碼表示你要同佢地解釋
如果要用二分法，問我呢度好唔好，我會話：差！
無論晚市定係茶市，絕大部份O既樓面，見到你舉手都唔理你，話知你手拎住張點心咭O係空中舞龍
有幾次，我自己拎埋張咭去搵佢地，樓面望到我，即刻迴避我O既眼神，調頭走.......我又唔係蛇妖....
佢地會理我，就係落單O既時候 (當然亦要等佢地大發慈悲，記得要留意客人有無order)
講到追單，我O係呢度追單O既經驗多過晒我O係其他地方O既經驗
佢地落單，一係落錯，一係無落
無一次例外！
等左四個字都未有野食，又坐O係房，你最好預左無咩人會行入黎 (除左一個最近入職O既女人)，要自己行出去搵人問「我幾時有野食」
然後要玩一次眼神對對踫，對到，你又夠guts行過去迫佢理你，咁你就可以追單
有一次，我一個鐘入面追單追左4次，頭3次d人都話會幫你跟，跟黎跟去都無人話我知原來無入單，一直到第四個人講我知，我地都走囉，就取消未黎O既幾樣野
仲有一樣係佢地先做到O既...
O係第二度，你有飛，飛上有號碼，叫到O個個號碼你就知道到你入座，表示你可以入去食野
O係呢度，你有張飛，飛上有號碼，叫到個號碼表示你要同佢地解釋你要檯、係咪搭檯
有人見到我拎住飛，飛上有門口職員寫O既檯號，同埋一張點心紙，會問：你做咩架？
佢地有四條隊，1至2人檯分兩條隊，P係搭檯，E係唔搭檯，我地拎E飛，一開始就排「唔搭檯」O既隊，叫到我地，行埋去，佢問：搭檯架？
我話唔答，佢就大叫入去，話比人知我唔搭檯，叫我等陣，佢跟住繼續叫號
叫到我地又唔入得去坐，都係生平第一次
然後佢終於叫我入去，帶位O既姨姨話：「搭檯呀」，我又重複一次答案，出面O個位同佢又隔空大叫「....搭檯....!#!$@#! 佢唔搭檯呀.... @@%#$....」
(唔係粗口，只係我淨係聽得明其他O個幾個字)
至於野食，特別點名腸粉(D皮真係太粉... 又林)同埋炸蝦卷(唔好比個名厄左，唔係一隻蝦炸架，係一條長過指甲少少O既蝦毛外面包住林左O既粉皮... 難食)
P.S「服務」O個一粒星，送比新黎O個位姐姐
張貼