影片
更多
2013-04-26
650 瀏覽
12月31日, 除夕日去咗搵呀菲食午餐, 估唔到原來行到上嚟光明街竟然有間大排檔咁款嘅茶餐廳, 街邊仲有個茶檔, 聽聞呢度乾炒牛河幾出名, 今日我地就喺呢度開餐~::: 乾炒牛河 ::: $38首先唔理個炒河好唔好食, 就咁睇個份量都唔惹小, 好足料好大碟, 正宗碟頭飯size, 牛肉、韮王、韮菜都好多~ 炒河出晒煙夠晒鑊氣! 但就比較油, 因而可以炒到d河粉散開, 所以呢一方面係好嘅, 只不過色水好似唔係好均勻, 有d河粉深色重味d, 有d又淡淡白色冇乜味. 牛肉好入味, 雖然大大塊但係唔會韌, 好夠淋亦不失牛肉質地~ 整體除咗有d河粉冇乜色水之外, 成碟炒河味道都唔錯, 係有水準之作, 如果可以再兜亂d撈勻個汁就會更好~::: 蛋牛治 ::: $14三文治就比較失色, 蛋牛餡好薄, 亦都覆蓋唔晒個麵包, 同麵包比起上嚟有d乾瘦… 咬落個蛋都幾乾, 咸牛肉份量不足以致味道有d淡… 麵包薄身唔夠鬆化, 亦係一敗筆.::: 熱奶茶 ::: $14熱奶茶係茶檔有位伯伯沖嘅, 感覺好有手勢好老牌~ 果然冇失望, 茶味香濃, 同奶嘅份量配搭得宜, 奶味濃郁芳香又唔搶茶味~返工日lunch ti
::: 乾炒牛河 ::: $38
首先唔理個炒河好唔好食, 就咁睇個份量都唔惹小, 好足料好大碟, 正宗碟頭飯size, 牛肉、韮王、韮菜都好多~ 炒河出晒煙夠晒鑊氣! 但就比較油, 因而可以炒到d河粉散開, 所以呢一方面係好嘅, 只不過色水好似唔係好均勻, 有d河粉深色重味d, 有d又淡淡白色冇乜味. 牛肉好入味, 雖然大大塊但係唔會韌, 好夠淋亦不失牛肉質地~ 整體除咗有d河粉冇乜色水之外, 成碟炒河味道都唔錯, 係有水準之作, 如果可以再兜亂d撈勻個汁就會更好~
::: 蛋牛治 ::: $14
三文治就比較失色, 蛋牛餡好薄, 亦都覆蓋唔晒個麵包, 同麵包比起上嚟有d乾瘦… 咬落個蛋都幾乾, 咸牛肉份量不足以致味道有d淡… 麵包薄身唔夠鬆化, 亦係一敗筆.
::: 熱奶茶 ::: $14
熱奶茶係茶檔有位伯伯沖嘅, 感覺好有手勢好老牌~ 果然冇失望, 茶味香濃, 同奶嘅份量配搭得宜, 奶味濃郁芳香又唔搶茶味~
返工日lunch time都有好多人食, 坐滿成間茶餐廳不特止, 仲有好多人坐到出街, 呢個不失為打工仔嘅飯堂~ 雖然價錢唔算平, 但係想食得好味食得飽, 呢度真係一個好選擇~
張貼
