黃明記粥粉麵家

營業中

休息中

黃明記其實已經食咗好多年，佢搬之前都仲有去幫襯，大約兩個月前，味道已經出咗啲問題！好啦，尋晚星期日諗住是但食啲嘢返屋企睇奧運，搬咗新店之後都係第一次幫襯，點知又係咁樣，食物水準仍然冇改善，叫咗個牛腩河，牛腩又碎又乾又奀又柴皮！招牌墨魚丸！唔知點解同以前嗰個口感完全唔同晒，只係食到好重粉狀口感嘅嘢！埋單時同事頭婆反映，我問佢係唔係轉了師傅，佢話唔係，都係講埋啲門面野hea 我。完全係投訴接受，態度照舊嘅感覺！所以跟住都費事再講！如果轉左新環境黎計，我覺得比以前仲污糟咗，出邊枱面啲嘢又痴痴立立！其實一直都好支持黃明記！都唔知點解會搞到咁嘅地步！希望佢哋早日醒覺！執返正啲嘢！