影片
更多
2010-07-12
9 瀏覽
距離上次幫襯, 已經有成個月喇, 係時候再黎感受下 夜晚8點零鐘, 已經9成滿, 連VIP房都full埋!! 好彩一早book定位, 如果唔係真係大大鍋...一坐底老婆已經order定2個香啡包...慌執輸咁 不過呢個包真係好好食, 單睇外表無咩特別, 一食落口真係一試難忘...脹卜卜外脆內軟, 仲有牛油餡, 好香咖啡同牛油味, 老婆仲話唔食唔安落咁話...起初以為轉左MENU, 望真啲原來而家做緊特價, 9成食品都減左價, 由減$4-$10都有, 喜出望外我地叫左一個特式椰漿飯, 一個咖喱麵, 一杯荔枝汽水, 一杯紅豆冰.特式椰漿飯 : 有魚干仔, 花生配料, 雞膇, 少少辣, 不過好惹味, 好開胃...咖喱麵+沙葛釀料 : 唔問真係唔知沙葛釀料係咩...原來係沙葛+魚肉, 釀入腐皮炸..聽落都吸引, 好香口, 點咖喱一齊食, 好食荔枝汽水 : 入面有兩粒大荔枝, 咁熱既天氣飲返杯, 透心涼紅豆冰 : 同出面餐廳有少少唔同, 呢度好似沙冰咁, 加埋紅豆茸, 好正.本來仲想叫多兩個甜品..無奈, 得兩個人, 點食?!唯有等下次啦.整體食物質素都唔錯, 如果再多少少選擇, 就prefec
夜晚8點零鐘, 已經9成滿, 連VIP房都full埋!! 好彩一早book定位, 如果唔係真係大大鍋...
一坐底老婆已經order定2個香啡包...慌執輸咁 不過呢個包真係好好食, 單睇外表無咩特別, 一食落口真係一試難忘...脹卜卜外脆內軟, 仲有牛油餡, 好香咖啡同牛油味, 老婆仲話唔食唔安落咁話...
起初以為轉左MENU, 望真啲原來而家做緊特價, 9成食品都減左價, 由減$4-$10都有, 喜出望外
我地叫左一個特式椰漿飯, 一個咖喱麵, 一杯荔枝汽水, 一杯紅豆冰.
特式椰漿飯 : 有魚干仔, 花生配料, 雞膇, 少少辣, 不過好惹味, 好開胃...
咖喱麵+沙葛釀料 : 唔問真係唔知沙葛釀料係咩...原來係沙葛+魚肉, 釀入腐皮炸..聽落都吸引, 好香口, 點咖喱一齊食, 好食
荔枝汽水 : 入面有兩粒大荔枝, 咁熱既天氣飲返杯, 透心涼
紅豆冰 : 同出面餐廳有少少唔同, 呢度好似沙冰咁, 加埋紅豆茸, 好正.
本來仲想叫多兩個甜品..無奈, 得兩個人, 點食?!
唯有等下次啦.
整體食物質素都唔錯, 如果再多少少選擇, 就prefect喇..奇望出串燒!!
服務都比之前有改善..ok啦!
唯一缺點係, 呢度冷氣唔夠凍..要改善喇
今餐晚飯老婆好滿意, 食得好開心
張貼
