Tapa Room (積福大廈) (已結業)

之前試過觀塘的 Tapa Room 好好食，今日同老婆去銅鑼灣行街，知道呢度有 Tapa Room 的分店，當然要再去回味一下~莫希托羊肉串燒，羊肉味唔會好膻，但係好有羊肉嘅香味，肉質都好鬆軟。血橙燒牛柳沙律，新鮮多汁又香甜的血橙沙律，加埋鬆化的牛柳條，真係健康又好味的選擇，上面嘅薄脆同埋芝麻都好香口~西班牙黑毛豬火腿 24 個月，意大利的 Parma Ham 就食得多，今次就試下西班牙的 Iberico Ham, 呢個香味更濃郁，一面咀嚼一面慢慢深呼吸，令香味充斥整個口腔及鼻腔，簡直係人生一大享受，超正！檸汁白酒煮蜆，清新嘅檸檬帶出蜆肉嘅鮮甜，唔錯~烤煎 US PRIME 肉眼牛扒配粉紅胡椒忌廉汁伴薄煎薯餅，我地叫左 7 成熟，感覺啱啱好，牛肉味非常濃郁，肉質一 d 都唔會韌，脂肪分配比例都好好，上面嘅醬汁濃郁美味，應該係加咗薯蓉混合出嚟。上面一粒粒嘅粉紅胡椒有花椒嘅味道，但係又唔會好麻，好過癮！薯條再加上佢微酸嘅忌廉醬，真係好滿足，好味到老婆叫我返屋企整呢隻醬畀佢食。炸西班牙油條配朱古力醬，酥脆嘅油條加上佈滿砂糖嘅外層同埋朱古力醬，邪惡得嚟又令人停唔到口~White Sangria