小王牛肉麵 (已結業)

先生下晝要喺附近處理公務，我見放假專登出嚟陪佢食個午飯，本來喺水牌見到有嚐越，但上到嚟先發現冇開門，見到附近有小王牛肉麵，似乎都幾出名，而且又多分店，不加思索就扑錘。午市套餐價錢算係合理，尤其喺大商場入面，午市套餐價錢由48到68蚊不等，跟餐有兩碟小菜同飲品，可以話係幾化算。今日嘅小菜係酸菜同漬茄子，味道普普通通。牛肉麵嘅湯底係養生牛骨湯，期望嘅香濃牛肉味欠奉，反而帶有好重嘅藥材味，完全掩蓋牛骨湯原本嘅味道，同印象中台灣牛肉麵香濃滋味嘅湯底背道而馳，實在有啲失望⋯⋯牛肉尚算軟腍入味，但有一兩件牛筋偏韌，好難咬開，水準參差。蚵仔麵線亦完全唔係嗰回事，其實都唔期望好食到好似阿宗麵線咁，但味道同台灣食到嘅完全唔同，冇蒜蓉，亦冇黑醋，除咗大家都有加入蠔仔⋯⋯所謂嘅麵線唔係台灣嗰種軟滑索湯嘅幼細麵線，而係米粉，口感粗糙，充其量只能講佢係一碗加咗蠔仔嘅上湯米粉。唯一令人欣慰嘅係蠔仔頗為新鮮，鮮味搭救，粒粒光亮飽滿。豆醬炒生菜竟然係成餐飯最好味嘅一道，豆醬又鹹又鮮，令生菜變得非常惹味。跟餐飲品有四款選擇，除咗我哋揀嘅珍珠奶茶同檸檬茶，仲有金桔鮮檸檬茶同荔枝玉露，飲品質素中規中矩，不過不失。寫食評嘅時