芋圓一 (已結業)

叫咗兩款芋圓甜品，一款係黑糖薑汁芋圓湯圓，另一款係桃膠海燕窩芋圓清心丸。基本上兩款甜品都係差唔多，有芋圓、紫薯圓同蕃薯圓，三款都整得幾煙韌，不過得芋圓係食到芋頭味，其他都冇咩特別味。桃膠個款係冰糖糖水做基底，太甜，黑糖薑個款幾好，唔太甜但薑味濃。個人覺得佢餐牌嘅芋圓選擇太少，尤其係熱嘅，得三款，冇咩想揀。總之，味道來講正常，未去到真係一定要去，超級好食嗰個位，所以唔需要特登去食，經過又想食甜品嘅可以入去試吓。