土司工坊 (TKO Gateway) (已結業)

曾經有一段時間，土司工房是我的飯堂，晚飯諗唔到食咩就去食喇沙。相隔左一段時間再嚟，叫左我最愛😍嘅喇沙同南洋咖啡，價錢由40幾蚊已經升到60幾蚊...喇沙嘅份量同埋配料都少咗，得寥寥可數嘅魚片，豆卜，半隻蛋同唔太新鮮嘅蝦🦐，同埋略為碎嘅米線。湯底都算濃味，但有一種係自己屋企廚房Hea煮嘅感覺😞，同我回憶中嘅味道已經相距甚遠，就算有優惠券送，相信都唔會再幫襯第二次。☕️咖啡同之前飲嘅冇太大分別，微酸中帶點煉奶嘅香甜味。