王牌冰室 (友邦香港大樓) (已結業)

今日近近地去左屋企附近，新開既王牌冰室食lunch。午飯時間餐廳人潮不絕，都幾受歡迎。環境布置有特色，店員都十分有禮貌，值得讚下。女女叫左火腿午餐肉雙拼麵，轉出前一丁（$45），配凍檸樂（加$6），好邪惡，但小朋友食得好開心，一次半次唔緊要啦。我叫咗無骨海南雞飯($66), 冇加錢轉雞髀，但係雞肉都非常滑嫩，喜出望外，覺得水準拍得住正宗泰國餐廳。見到有燉湯飲，跟餐28蚊， 叫一盅試下，今日係菜乾豬肺湯，幾足料。