金記冰室 (新翠商場) (已結業)

對金記有一份情意結，細個喺筲箕灣長大，金記舊鋪便於筲箕灣南安里，係一個超過半世紀嘅舊式茶餐廳，間中都有幫襯下。而家變咗有10多間分店的連鎖式快餐店。今日同太太喺柴灣新翠商場隨意入去食個午餐。order了一個二人套餐，兩個小菜分別叫了西蘭花炒蝦球同埋芝麻鹽焗雞。包餐湯、白飯和飲品。鹽焗雞皮薄肉嫩，擦上了薄薄一層芝麻油，帶有芝麻香、鹹香，水準以上。西蘭花炒蝦球：西蘭花翠綠爽口，蝦球雖是急凍貨色但係都算大隻，炒得入味。埋單$168，金記轉型後，喺唔同分店食過幾次，水準都幾穩定，唔會令你失望。