影片
更多
2018-02-02
616 瀏覽
朋友住喺港運城，渣華道粵華酒店入面嘅「新斗記」，可以話係佢嘅飯堂。這天有事要來北角，辦完後相約友人一敘，好友提議叫埋 T 一齊去「新斗記」食燒乳豬，我當然舉腳贊成。其實筆者對這間「新斗記」亦不陌生，因為之前喺北角上班時，間中都會和同事去飲茶。印象中，店子生意甚佳，經常座無虛席，午市有即叫即製點心供應，而晚市就以經濟實惠小菜作招徠。餐廳位於酒店一樓，店內地方頗闊落，用餐區以圓檯為主，椅桌擺放得雖然有點密麻，但環境唔錯，光猛潔淨，配上一室簡約裝潢，整體感覺亦蠻不錯。桌上餐具很精美，以手繪公雞為主題，充滿懷舊味道。餐前小食有鹹香酥脆嘅花生同爽口嘅青瓜。至於茗茶及滾水，收費就以人頭計每位 $15。拿起桌上餐牌，除了有一系列廚師推介外，還有靚湯、羹精選、粥粉麵飯、濃湯雞煲翅、紅燒 BB 鴿、蜜汁叉燒皇、生猛海鮮和小菜，唔少得嘅，當然還有招牌即燒乳豬、脆皮燒鵝皇等以供食客選擇，多寡隨意，豐儉由人。朋友是熟客，當然由他點菜。先來一味香口的「大排檔菜色」椒鹽鮮魷 ($118)，椒鹽鮮魷雖然是最尋常不過的小菜，但要做得好，其實相當困難，每次點吃，不是粉漿太厚，就是椒鹽味不足。不過這裡嘅鮮魷，水準真係唔錯
其實筆者對這間「新斗記」亦不陌生，因為之前喺北角上班時，間中都會和同事去飲茶。印象中，店子生意甚佳，經常座無虛席，午市有即叫即製點心供應，而晚市就以經濟實惠小菜作招徠。
餐廳位於酒店一樓，店內地方頗闊落，用餐區以圓檯為主，椅桌擺放得雖然有點密麻，但環境唔錯，光猛潔淨，配上一室簡約裝潢，整體感覺亦蠻不錯。
桌上餐具很精美，以手繪公雞為主題，充滿懷舊味道。餐前小食有鹹香酥脆嘅花生同爽口嘅青瓜。至於茗茶及滾水，收費就以人頭計每位 $15。
拿起桌上餐牌，除了有一系列廚師推介外，還有靚湯、羹精選、粥粉麵飯、濃湯雞煲翅、紅燒 BB 鴿、蜜汁叉燒皇、生猛海鮮和小菜，唔少得嘅，當然還有招牌即燒乳豬、脆皮燒鵝皇等以供食客選擇，多寡隨意，豐儉由人。
朋友是熟客，當然由他點菜。先來一味香口的「大排檔菜色」椒鹽鮮魷 ($118)，椒鹽鮮魷雖然是最尋常不過的小菜，但要做得好，其實相當困難，每次點吃，不是粉漿太厚，就是椒鹽味不足。不過這裡嘅鮮魷，水準真係唔錯，咬落彈性十足，帶脆口，不太腍亦不太韌，而且粉漿極佳，只是薄薄的一層，入口金黃鬆化又不死實，連喼汁也不用蘸！
接著的紅燒 BB 鴿 ($48x2)，水準亦不遑多讓，兩隻乳鴿件頭雖然不大，但外形脹卜卜，體態結實。咬開外皮，相當香脆，而且一點也不油膩，連入面嘅骨都有豉油香，加上肉質幼嫩，肉汁豐盈，令人愈吃愈滋味。伴吃的蝦片亦有水準，鬆脆可口，蝦味濃郁，記得唔好錯過。
招牌即燒乳豬 ($188)，乳豬點左 1/4 隻，上桌時會跟埋醬料。先挾起一片乳豬試試，皮薄而鬆脆，入口充滿油香，而且師傅在上檯前已事先片去黏著乳豬皮的肥膏，所以食落完全不覺油膩，好食到停唔到口。至於下面的乳豬肉，質地亦夠曬嫩滑，的確名不虛傳，不愧為鎮店之寶，吃時亦可蘸少許乳豬醬，以增添風味。
接住上桌嘅係臘味炒芥蘭 ($108)，碟芥蘭分量都幾多，臘味有臘腸、潤腸和臘肉三款，臘腸略嫌硬身，而潤腸就比較腍同香口，加上肥瘦適中，食落煙韌帶嚼勁。臘肉肥滋滋，頗為油膩，不是我杯茶。芥蘭非常新鮮，外表碧綠，而且炒得唔錯，夠曬鑊氣，色澤油亮，既爽口又唔硬身，清甜而不苦澀。
壓尾是瑤柱蛋白炒飯 ($118)，瑤柱味道鹹鹹香香，很惹味，飯底炒得粒粒分明，而且乾身不油，落完全不覺膩口，有水準。
飯後有糖水送，有紅豆沙同綠豆沙可供選擇，揀了前者。紅豆沙送上後，先舀起一看，原來入面有好多紅豆粒同蓮子，紅豆大粒得來又充滿豆香，蓮子煲至腍身，入口粉綿，食落又甜又香。整體來說，店裡的食物和招呼都唔錯，水準穩定，人人啱食，大家都吃得很滿意。
張貼
