影片
更多
2021-04-13
357 瀏覽
知道荃灣好多野食，但我唔熟路，行完IKEA就沿天橋行左去愉景新城。8點幾個商場d鋪頭已經好似收得7788🥲，好彩見到呢間有開。之前食過其他分店，覺得好好食，最深刻係前菜個忌廉煮藍青口。兩個人叫一個前菜、一個意粉、一個牛同兩杯野飲，當日有個幾靚仔嘅staff😳😳，我地叫完野食就放底左碟麵包，好鐘意麵包個汁，酸咪咪。🚩法式香煎鵝肝($148)最近好想食鵝肝，所以捨棄左好好食嘅忌廉煮藍青口，叫左法式香煎鵝肝。一上台見到鵝肝勁肥美，D油滲曬落個多士到，好肥但又好正！為左解鵝肝陣油膩感，前菜配左黑醋汁沙律、紅酒蘋果蓉同焦糖菠蘿。焦糖菠蘿好好食，係鮮菠蘿加好甜。🚩蒜香白酒煮海鑽蜆意粉($188)靚仔staff有提呢個意粉有少少辣，一上台見到海鑽蜆鋪滿成碟意粉，粒粒都好大粒。蜆嘅下面係偏幼身嘅意粉，意粉口感出色，蒜香同辣味都做到曬，辣度應該3小辣。煮到岩岩好既蜆，咬落會爆汁！！好食啊🤤🤤🤤🚩炭燒美國1855肉眼牛扒配薯蓉及牛肝菌汁($348）配菜可以揀薯條/薯蓉，而醬汁就有3款，胡椒/牛肝菌/燒汁。望到D炭燒紋都覺得正，切開仲好粉嫩，有肉味得黎又夠淋身，絕對唔難咬。煎前可能無比鹽，所以差DD咸味，不
兩個人叫一個前菜、一個意粉、一個牛同兩杯野飲，當日有個幾靚仔嘅staff😳😳，我地叫完野食就放底左碟麵包，好鐘意麵包個汁，酸咪咪。
🚩法式香煎鵝肝($148)
最近好想食鵝肝，所以捨棄左好好食嘅忌廉煮藍青口，叫左法式香煎鵝肝。一上台見到鵝肝勁肥美，D油滲曬落個多士到，好肥但又好正！為左解鵝肝陣油膩感，前菜配左黑醋汁沙律、紅酒蘋果蓉同焦糖菠蘿。焦糖菠蘿好好食，係鮮菠蘿加好甜。
🚩蒜香白酒煮海鑽蜆意粉($188)
靚仔staff有提呢個意粉有少少辣，一上台見到海鑽蜆鋪滿成碟意粉，粒粒都好大粒。蜆嘅下面係偏幼身嘅意粉，意粉口感出色，蒜香同辣味都做到曬，辣度應該3小辣。煮到岩岩好既蜆，咬落會爆汁！！好食啊🤤🤤🤤
🚩炭燒美國1855肉眼牛扒配薯蓉及牛肝菌汁($348）
配菜可以揀薯條/薯蓉，而醬汁就有3款，胡椒/牛肝菌/燒汁。
望到D炭燒紋都覺得正，切開仲好粉嫩，有肉味得黎又夠淋身，絕對唔難咬。煎前可能無比鹽，所以差DD咸味，不過點埋個汁就夠咸。
另一個驚喜位係薯蓉，一不就心諗「點解咁嘅質地」，平時D薯蓉係輕身，呢個不落好杰同有D重，食落覺得溝左芝士，同一般薯蓉唔同，都幾好食！
配菜係用蕃茄汁炒過嘅椰菜花，唔會好dry又有味。
🚩Tropical forest($68)
呢個飲落有陣花香，應該係elderflower陣味，好岩女仔
🚩Princess Heart($68)
簡單講係似fruit punch😂😂，無士多啤梨既藥水味
總結黎講Chef’s stage kitchen質素好唔錯，試左兩間分店都覺得正，用料感覺比一般餐廳好，D蜆同上次個藍青口都真係好好食！下次再食想叫surf and turf，見隔離台食好似好正。
張貼
