翠華餐廳 (已結業)

有時我都認為大財團飲食欺壓了小商戶，但問心一句，有幾多小商戶有用心去經營食肆。論水準：早餐大家都係沙嗲牛肉麵、炒蛋、包，但翠華咁多年，不論邊間都保持好水準，廚房一定對食物製作有指引及監管。牛肉鬆軟、湯味濃郁，但偏鹹，脆豬香口鬆脆。論飲品：我最愛茶走少甜，茶味咁多年都香濃，奶滑，茶杯更有個刻度，師傅要跟足個指引沖茶，杯杯都水準質素，唔會有太大差別。論服務：職員主動有禮，唔理真定假，好多小商戶已失去了。