影片
更多
2019-02-06
1158 瀏覽
旺角這間「私家廚房」，聽聞是由食友 C 小姐提供，說「欖角蜜餞一字骨」和「蔥油新鮮雞」好得，其他家常小菜也不錯。 早前祖兒生日，來這裏慶祝。我遲了5分鐘到達，其他人已在吃「黃金脆魚皮」$88 ： 我一向不太喜歡吃鹹蛋黃包着的「黃金乜乜乜」，真心都要讚呢個魚皮。雖然價錢稍貴，係新鮮熱辣炸起，薄脆到不得了，又不會覺得油膩，重點是鹹蛋黃味道點到即止，不會太 over。轉眼成兜食晒。 店子主要是主打一些家常小菜，點菜朝這個方向就可以了，不用選太花巧的。 家庭式「鹹蛋豆腐肉片白菜仔滾湯」$188 / 約五至六人份 同屋企滾的沒兩樣，零味精，真材實料，湯清滾熱辣。有時飲啖平淡的滾湯，都幾暖在心頭： 侍應為我們盛上湯料，再附上辣椒豉油。豆腐、肉片、白菜，又可以當係一味餸，令我諗起一句「鹹魚白菜，也好好味」。 「欖角蜜餞一字骨」$138 ，今餐其中亮點： 煎成金黃色的半肥瘦一字排，表面沾滿蜜餞，肉帶欖的鹹香，相信大人小朋友都啱食，C 小姐無介紹錯！呢間餐廳勝在小菜即叫即做，令食物味道有加分，而且也不用等太久，呢點係抵讚的。 「香煎蓮藕餅」$128 可以用生菜包來吃，或者沾喼汁就這樣吃。
早前祖兒生日，來這裏慶祝。我遲了5分鐘到達，其他人已在吃「黃金脆魚皮」$88 ：
我一向不太喜歡吃鹹蛋黃包着的「黃金乜乜乜」，真心都要讚呢個魚皮。雖然價錢稍貴，係新鮮熱辣炸起，薄脆到不得了，又不會覺得油膩，重點是鹹蛋黃味道點到即止，不會太 over。轉眼成兜食晒。店子主要是主打一些家常小菜，點菜朝這個方向就可以了，不用選太花巧的。
家庭式「鹹蛋豆腐肉片白菜仔滾湯」$188 / 約五至六人份
同屋企滾的沒兩樣，零味精，真材實料，湯清滾熱辣。有時飲啖平淡的滾湯，都幾暖在心頭：
侍應為我們盛上湯料，再附上辣椒豉油。豆腐、肉片、白菜，又可以當係一味餸，令我諗起一句「鹹魚白菜，也好好味」。「欖角蜜餞一字骨」$138 ，今餐其中亮點：
煎成金黃色的半肥瘦一字排，表面沾滿蜜餞，肉帶欖的鹹香，相信大人小朋友都啱食，C 小姐無介紹錯！呢間餐廳勝在小菜即叫即做，令食物味道有加分，而且也不用等太久，呢點係抵讚的。「香煎蓮藕餅」$128
可以用生菜包來吃，或者沾喼汁就這樣吃。在強敵當前下，個人覺得這個稍為平淡失色：
「古方秘制鹹蔥油新鮮雞」$398 / 隻
要預訂的小菜。一大碟新鮮走地雞，上面全是蔥油，幾吸引眼球。雞肉細嫩，皮薄，識食要連皮加蔥油一齊食，依家「好雞」難尋啊。
雞旁邊已排好雞的內臟，有雞腸、雞肝、雞腎等，呢啲真係食新鮮雞先有的福利。肝嫩，腎爽，腸已去走脂肪，廚師的心機也。(此雞可以點半隻份量)秋風起，食臘味，何況依家入哂冬。整碟「永華臘味炒芥蘭」$138
臘味絕對是整道菜的靈魂。用老字號，有五十多年歷史的「永華行」臘味，聽聞是現在全九龍唯一剩下的臘味批發行。臘腸、臘肉都沒過肥，瘦與肥約 8/2 比，炒後滿有脂香。臘味的油分與芥蘭好似「風箏與風」，相輔相成，令味道裏應外合。芥蘭沒苦澀，多了臘腸香和甜度，也好下飯。最後送的「冰鎮菠蘿船」，幾新鮮多汁：
「私家廚房」算係近來食過甚滿意的 local 小菜店，一大班人叫餸互相分享也不算激貴，屬合理範圍；最緊要食物做得好，水準絕對不止是 C+。另見有幾款小菜：藥膳豬手、辣酒煮花螺、咕嚕肉、薑蔥桶蠔煲、蒸柚皮等，都幾吸引，會留返下次再來 encore 啦。
題外話/補充資料：
溫提：此餐廳只收現金，不收信用卡或其他電子支付方法
(以上食評乃用戶個人意見 , 並不代表OpenRice之觀點。)
張貼
