麗姐廚房

營業中

休息中

係灣仔想食齋，麗姐廚房絕對係好選擇。午餐同晚餐各有唔同嘢食，晚餐係叫餸食飯，午餐係三餸一湯，白飯任裝，仲要只係$50就埋到單。每一日都有唔同嘅餸可以揀，如果想食某啲特定嘅嘢食，就要睇運氣喇。就好似今日個餐牌咁，明明本身都仲有酥炸魚腐，但過咗一陣就變咗酥炸齋雞髀。同樣都係炸嘅香口食物，都算可接受。想食清啲嘅，有蒸豆腐同炆枝竹等。每一日午餐都會轉，但都同時有健康同香口嘅齋可以揀，方便各位餵食嘅朋友仔。