影片
更多
2023-02-25
868 瀏覽
大丈夫食堂地址: 長沙灣元州街350號家壹1樓11號舖#yauyau_長沙灣呢間嘢係朋友推薦我嚟食，佢原先喺長沙灣嘅唐樓下面開，應該做起咗，所以搬咗一間好大嘅舖頭，我終於就唔使再排成個鐘嚟食，而且佢仲有gulu app可以遙距拎飛。佢搬完舖頭之後啲食物質素都冇變到，另外佢仲係白飯沙律任叫，但求你食到飽。搬到去新鋪價錢，只不過係升咗少少，呢種經營態度我好欣賞。🍖🍖吉列豬扒定食 $115呢度出名就係個炸豬扒，豬扒好大塊，成塊冇乜肥膏，咬落去個炸皮好香脆跟住啲豬肉好鬆軟，係一啲靚嘅豬扒同埋經過多次拍打先可以做到呢個效果。呢度一定要提佢豬扒汁，係好似嗰啲小丸子個啡色汁嘅味道，呢種偏甜少少又有啲酸嘅汁，好啱解開佢炸豬扒嘅油膩感，令到你食晒成塊豬扒都唔會覺得好滯，而且佢仲跟埋啲椰菜絲俾你，個口真係覺得太油可以整返幾啖。不過啲椰菜絲就真係有啲乾，要點一點啲沙律醬嚟食。🍱🍱鰻魚飯 $105我估唔到佢個鰻魚真係會燒俾我，我入口嗰陣時，個魚肚仲會有少少脆，而且又燒到好香，佢係唔需要用任何嗰啲鰻魚醬汁，嚟冚住出邊街嗰啲雪藏鰻魚嘅雪水味，因為佢真係太香啦。咁當然啦佢嘅份量就被雪藏鰻魚少，但係呢個價錢可以食到佢
地址: 長沙灣元州街350號家壹1樓11號舖
#yauyau_長沙灣
10 瀏覽
0 讚好
0 留言
呢間嘢係朋友推薦我嚟食，佢原先喺長沙灣嘅唐樓下面開，應該做起咗，所以搬咗一間好大嘅舖頭，我終於就唔使再排成個鐘嚟食，而且佢仲有gulu app可以遙距拎飛。佢搬完舖頭之後啲食物質素都冇變到，另外佢仲係白飯沙律任叫，但求你食到飽。搬到去新鋪價錢，只不過係升咗少少，呢種經營態度我好欣賞。
🍖🍖吉列豬扒定食 $115
呢度出名就係個炸豬扒，豬扒好大塊，成塊冇乜肥膏，咬落去個炸皮好香脆跟住啲豬肉好鬆軟，係一啲靚嘅豬扒同埋經過多次拍打先可以做到呢個效果。呢度一定要提佢豬扒汁，係好似嗰啲小丸子個啡色汁嘅味道，呢種偏甜少少又有啲酸嘅汁，好啱解開佢炸豬扒嘅油膩感，令到你食晒成塊豬扒都唔會覺得好滯，而且佢仲跟埋啲椰菜絲俾你，個口真係覺得太油可以整返幾啖。不過啲椰菜絲就真係有啲乾，要點一點啲沙律醬嚟食。
🍱🍱鰻魚飯 $105
我估唔到佢個鰻魚真係會燒俾我，我入口嗰陣時，個魚肚仲會有少少脆，而且又燒到好香，佢係唔需要用任何嗰啲鰻魚醬汁，嚟冚住出邊街嗰啲雪藏鰻魚嘅雪水味，因為佢真係太香啦。咁當然啦佢嘅份量就被雪藏鰻魚少，但係呢個價錢可以食到佢即場燒都已經好值回票價。
18 瀏覽
0 讚好
0 留言
🥦🥬跟餐沙律
佢啲沙律都整得幾好，唔會太多沙律醬，而且佢啲菜都好新鮮同埋多菜嘅種類，唔會剩係得生菜。我有胃會叫多碗嚟食。
🥚🍳跟餐茶碗蒸
呢度跟餐茶碗蒸都冇失水準，一樣依然係咁幼嫩細滑，而且仲好香蛋味，入邊有啲蟹柳啊蘑菇仲有幾粒青豆。
新舖頭環境好好，地方好大，又唔使等太耐位，大家真係可以嚟試吓。
味道: 4.5/5
服務: 4/5
環境: 4.5/5
番兜: 4.5/5
#長沙灣美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #長沙灣日本菜 #日本菜 #大丈夫食堂
張貼
