炭魚 (已結業)

食烤魚食到悶，今次試下麻辣水煮魚(HK$198)。原來都好大煲架wor，個煲下面用左一舊炭去keep住溫度，但又唔會熱到滾。煲入面除左魚，仲有少少豆腐卜，金菇，薯粉，秀珍菇同埋都幾多既芽菜。成煲野對我黎講唔係好辣，非常容易食。魚既處理同平時我食開既有d唔同，佢唔似魚柳，但又無晒骨，亦唔似就咁起出黎既魚片咁滑...... 我覺得有d似將魚起左d魚片拎去deep fried，再放落去整水煮魚，所以魚既質地比較實淨。我覺得咁整都唔錯。可能煲野唔夠辣既關係，應該係都無乜麻辣味，所以豆腐卜好似唔夠入味，其他配菜味道ok，只係d薯粉實在太少啦，又碎濕濕好難夾，唔知下次可唔可以另外order多一份薯粉呢？仲叫左個川式口水雞(HK$58)，味道一般，唔太辣，雞肉都算有彈性，亦無乜肥膏。