茶飯叁少

營業中

休息中

新開張搶頭啖湯，琴日係星期日大約6點半好多人排隊，呢間係附近少有食辣野既台式餐廳，但食物就唔係好台式。首先睇下門口既餐牌。大約排左20分鐘就入左去，叫左一個重慶烤魚中辣，我個人認為至少要叫中辣先夠。個魚係嫲食既，個湯唔會太稀，都幾好飲。另外叫左個涼菜豬肚同埋牛肉炒飯，豬肚果到寫左係辣既但食落真係唔覺，炒飯水準一般。個環境裝修方面都幾靚，但缺點係張2人枱太細， 放左個烤魚之後剩低好少位，總括而言，呢間新店水準還可以。兩人食最後埋單係$444連加一。