湘蜀人家

營業中

休息中

湘蜀即係四川同湖南菜，係香港我比較少食。但其實我係鍾意呢種味道既。所以今次揀左位於灣仔既湘蜀人家，帶埋呀媽去試下。當晚見到個精選貳人套餐 $458好抵食，亦咁岩有我想食既水煮鴨血，所以直接嗌左呢個餐。涼菜二小碟：夫妻肺片、涼拌免耳尖原來免耳尖即係木耳 ，2碟涼菜水酸酸辣辣好開胃。水煮鮮鴨血黄喉無想像中油，辣度亦都係我地接受到既程度。黄喉好爽脆，鴨血好QQ，但切得較薄，切厚返少少口感會更佳。糖醋魚片咕嚕肉既味道酸酸甜甜，魚片炸到外脆內嫩，好好味😋份量仲好多。泡椒爆牛肉泡椒辣中帶酸，牛肉夠腍身。燉湯2盅：雜菌湯味道清清地，健脾養胃，補腎利水。