影片
更多
2023-06-24
694 瀏覽
#搞串個pantry大澳有東方威尼斯🛶之稱，有起喺水上嘅棚屋🛖，又有載你睇海豚🐬嘅船仔。同埋，大澳又有好多好可愛嘅貓貓🐱。今次行完#大澳 ，就搵咗間餐廳醫一醫肚啦💕！呢間餐廳啱啱重新裝修，門面新潮咗好多。我哋就嗌咗細份海蜇墨魚餅拼餃子($140)🥟、銀魚蒸茄子($90)🍆、蝦醬炒通菜($80)🌱。海蜇墨魚餅拼餃子🌟🌟🌟🌟菜如其名就喺三樣嘢一碟過咁上。海蜇係即食海蜇，而且唔夠凍，食落感覺怪怪哋🫠。墨魚餅相對出色好多，點咗佢附上嘅沙茶醬，味道更好食🤤。炸餃子以原隻蝦作餡料，食落口幾彈牙，而炸餃子🥟嘅外皮炸到好香脆！整體嚟講，如果無海蜇，呢碟會比較加分😎。銀魚蒸茄子🌟🌟味道非常清淡，調味方面只落咗葱花、豉油。銀魚食落無乜味道🐟，而茄子食落口有一陣茄子嘅生味😖，口感就非常腍嘅。如果落少少蒜蓉就齊蒸嘅話，可能會較好😃。蝦醬炒通菜🌟🌟🌟蝦醬始終係大澳名物，聞落已經好香，食落口有好濃烈嘅咸香味💕！通菜炒得啱啱好，腍脆適中。不過，食到最後，啲通菜浸住蝦醬，食落口就會太咸啦🤯。大家下次嚟大澳，除咗食名物沙翁、炭火燒烤🔥、蝦豬餅之外，都可以嚟呢度食下嘢㗎！
大澳有東方威尼斯🛶之稱，有起喺水上嘅棚屋🛖，又有載你睇海豚🐬嘅船仔。同埋，大澳又有好多好可愛嘅貓貓🐱。今次行完#大澳 ，就搵咗間餐廳醫一醫肚啦💕！
呢間餐廳啱啱重新裝修，門面新潮咗好多。我哋就嗌咗細份海蜇墨魚餅拼餃子($140)🥟、銀魚蒸茄子($90)🍆、蝦醬炒通菜($80)🌱。
海蜇墨魚餅拼餃子🌟🌟🌟🌟
菜如其名就喺三樣嘢一碟過咁上。海蜇係即食海蜇，而且唔夠凍，食落感覺怪怪哋🫠。墨魚餅相對出色好多，點咗佢附上嘅沙茶醬，味道更好食🤤。炸餃子以原隻蝦作餡料，食落口幾彈牙，而炸餃子🥟嘅外皮炸到好香脆！整體嚟講，如果無海蜇，呢碟會比較加分😎。
銀魚蒸茄子🌟🌟
味道非常清淡，調味方面只落咗葱花、豉油。銀魚食落無乜味道🐟，而茄子食落口有一陣茄子嘅生味😖，口感就非常腍嘅。如果落少少蒜蓉就齊蒸嘅話，可能會較好😃。
蝦醬炒通菜🌟🌟🌟
蝦醬始終係大澳名物，聞落已經好香，食落口有好濃烈嘅咸香味💕！通菜炒得啱啱好，腍脆適中。不過，食到最後，啲通菜浸住蝦醬，食落口就會太咸啦🤯。
大家下次嚟大澳，除咗食名物沙翁、炭火燒烤🔥、蝦豬餅之外，都可以嚟呢度食下嘢㗎！
28 瀏覽
0 讚好
0 留言
40 瀏覽
0 讚好
0 留言
41 瀏覽
0 讚好
0 留言
張貼
