影片
更多
2021-11-01
654 瀏覽
尖沙咀水門雞飯多人等到次次無食到，今次嚟到大埔就食到！1800晚飯~ 早知早一個鐘嚟！因為依加起星期一至四全線分店3:00pm-5:00pm 招牌水門雞飯係$30，但只限堂食！二人套餐 $198泰式鳳爪沙律其實另外泰式炆雞腳都好似唔錯，但係店員講泰式鳳爪沙律係套餐嚟講抵食d就跟。好nice！芫荽、芹菜、紅蘿蔔、辣椒同埋紫洋蔥。平時食開小辣就會覺得呢個係中辣到大辣！鳳爪係無骨，得返啲軟骨，一口咬無問題幾爽口！馬拉盞肉醬芥蘭苗有啲台式肉操感覺，但帶辣同肉質比較實淨！我哋仲以為係馬拉盞炒芥蘭苗，所以先冇叫到泰式炒通菜！哈哈哈，點知係健康烚菜加馬拉盞肉醬，微辣！芥蘭苗好嫩，比普通好食！易咬好多！水門雞飯配一個泰式甜辣醬，佢個辣來自青色辣椒。白色雞但帶有薄皮晶瑩，有嫩雞肉有近雞胸，肉質都實淨點汁提雞味！雞油飯岩岩好，雞骨湯帶胡椒味，少辣，建議食完雞飯先，怕搶左雞味！鳳尾蝦炒金邊粉 +$10份量中等唔大份，套餐嚟講ok既！鳳尾蝦都有4隻彈牙！炒得夠甜夠油量夠熱鑊氣！當中仲有芽菜、韭菜、雞蛋糖買豆腐，特別係唔係豆腐乾，食落都ok！斑蘭大菜糕一層椰奶，之後一半斑斕過一半大菜糕，清爽微甜！飲埋熱菊花茶同
尖沙咀水門雞飯多人等到次次無食到，今次嚟到大埔就食到！
1800晚飯~ 早知早一個鐘嚟！因為依加起星期一至四全線分店3:00pm-5:00pm 招牌水門雞飯係$30，但只限堂食！
二人套餐 $198
泰式鳳爪沙律其實另外泰式炆雞腳都好似唔錯，但係店員講泰式鳳爪沙律係套餐嚟講抵食d就跟。好nice！
芫荽、芹菜、紅蘿蔔、辣椒同埋紫洋蔥。平時食開小辣就會覺得呢個係中辣到大辣！鳳爪係無骨，得返啲軟骨，一口咬無問題幾爽口！
馬拉盞肉醬芥蘭苗有啲台式肉操感覺，但帶辣同肉質比較實淨！我哋仲以為係馬拉盞炒芥蘭苗，所以先冇叫到泰式炒通菜！哈哈哈，點知係健康烚菜加馬拉盞肉醬，微辣！芥蘭苗好嫩，比普通好食！易咬好多！
水門雞飯配一個泰式甜辣醬，佢個辣來自青色辣椒。
白色雞但帶有薄皮晶瑩，有嫩雞肉有近雞胸，肉質都實淨點汁提雞味！雞油飯岩岩好，雞骨湯帶胡椒味，少辣，建議食完雞飯先，怕搶左雞味！
鳳尾蝦炒金邊粉 +$10份量中等唔大份，套餐嚟講ok既！
鳳尾蝦都有4隻彈牙！炒得夠甜夠油量夠熱鑊氣！當中仲有芽菜、韭菜、雞蛋糖買豆腐，特別係唔係豆腐乾，食落都ok！
斑蘭大菜糕一層椰奶，之後一半斑斕過一半大菜糕，清爽微甜！
飲埋熱菊花茶同熱生薑蜜飽哂！
張貼
