水記 (已結業)

一直未試過依間舖，今日掃街見到，抱住試新野心態即管試下。其實都好多款食物選擇！不過餐牌就略嫌集亂，真係要停低花少少時間先會睇到有咩吸引。見到佢餃子張相個樣好靚仔咁，今日一於試下。有韭菜豬肉餃同粟米豬肉餃兩款，$24 6隻 $30 8隻 可以雙拼。本身打算雙拼試曬，但店員話韭菜要等十分鐘以上，我地就無叫，就咁要左粟米餃。但其實就咁叫粟米餃都要等！可能佢即炸～ 等左7-8分鐘，終於有得食！啲餡幾多隻隻都好飽滿下。咬多亦都好足料，有蘿蔔、粟米、豬肉等等，可惜有我唔太鐘意既芹菜🙈整體黎講餃子係幾好食既，新鮮熱辣，皮薄多餡。但個人就覺得粟米略嫌有啲少，唔太突出到粟米既香甜，反而蘿蔔就好多。如果再有其他醬料可以點下，肯定更加好食更受歡迎啊！