影片
更多
2006-07-31
46 瀏覽
今日(星期日) 下晝3:30 先同女友入到去濕地公園，行左大部分室外地方，5:00pm 關閉後搭的士入左去流浮山(我第一次去)。行左一個鐘搵餐廳食海鮮。左揀右揀，最後都係揀左最近巴士站同公廁既歡樂海鮮。原因有：1) 女友之前參加一日遊團入流浮山玩時午餐就係呢度食，印象都okay 2) 望入去明顯比其他餐廳多人，較為有信心3) 門口有好多剪報，仲有佢個少東同幾個名人既合照。入到去坐樓上二樓，叫左茶囉menu 睇，大多數野都係寫時價，侍應話要落樓下揀海鮮兼可以點埋菜。落到地面海鮮魚缸等左3 個字先有人得閒serve 我地。諗住要椒鹽瀨尿蝦，炒蜆，同炸生蠔。佢幫我地捉左兩隻6" 長既瀨尿蝦，話$15/兩，我心入面唔無概念呢兩隻即係幾多錢，所以叫佢稱一稱(佢好似無預我會叫佢稱咁)，佢係咁以稱一稱話12 兩，我心一算，嘩，成$90 一隻瀨尿蝦，仲要唔係話好大size 既... 見佢入左膠袋，算喇.. (其實無諗過咁貴，有少少想走，但留左袋野係樓上) 再叫左個炒蜆，心諗炒蜆都唔荒會貴得去邊.. 諗住上去再睇番個menu 叫番碟小菜差唔多。上番去坐低都係決定唔加小菜住，等來左兩道海鮮先算。等左大
行左一個鐘搵餐廳食海鮮。左揀右揀，最後都係揀左最近巴士站同公廁既歡樂海鮮。原因有：1) 女友之前參加一日遊團入流浮山玩時午餐就係呢度食，印象都okay 2) 望入去明顯比其他餐廳多人，較為有信心3) 門口有好多剪報，仲有佢個少東同幾個名人既合照。
入到去坐樓上二樓，叫左茶囉menu 睇，大多數野都係寫時價，侍應話要落樓下揀海鮮兼可以點埋菜。
落到地面海鮮魚缸等左3 個字先有人得閒serve 我地。諗住要椒鹽瀨尿蝦，炒蜆，同炸生蠔。佢幫我地捉左兩隻6" 長既瀨尿蝦，話$15/兩，我心入面唔無概念呢兩隻即係幾多錢，所以叫佢稱一稱(佢好似無預我會叫佢稱咁)，佢係咁以稱一稱話12 兩，我心一算，嘩，成$90 一隻瀨尿蝦，仲要唔係話好大size 既... 見佢入左膠袋，算喇.. (其實無諗過咁貴，有少少想走，但留左袋野係樓上) 再叫左個炒蜆，心諗炒蜆都唔荒會貴得去邊..
諗住上去再睇番個menu 叫番碟小菜差唔多。
上番去坐低都係決定唔加小菜住，等來左兩道海鮮先算。
等左大概十幾分鐘，椒鹽瀨尿蝦上先，感覺上細左好多，可能炸完縮水好多？每隻斬做三件，頭尾無乜肉，中間得一吋多少少。味道一般，銅鑼灣橋底辣蟹個間既椒鹽瀨尿蝦好味好多，份量多好多又平好多...
叫左白飯。
過多左一陣，炒蜆上，例牌份量，我敢講有超過1/5 係蜆殼(我計埋跌左出來既蜆肉)，心諗.. d 蜆殼係邊樹黎架.. 醬汁味道可以。
食食下個女亞嬸waitress 行埋黎大大聲話：你地d 野齊晒囉喎，夠唔夠呀，駛唔駛加呀？我話唔駛喇。
再過左15 mins 過來又講d 類似說話，我話：唔駛喇，多謝關心。佢個死人態度真係令我有d 火。佢後來囉左碟生果盤(一個切開既橙+ 兩片密瓜) 過來。我話，駛唔駛咁快呀(仲有1/4 未食完)...
食梗時隔黎檯約七八個人唔知點樣發覺其中既一碟蟹係每斤(or 每隻?) 七百幾蚊，個個停晒手，叫waitress 過來講，之後其中一人又落樓應該係搵人上來質問...
後面檯既兩個人(後生男女) 都受到同一態度對待- "你地d 野齊晒囉喎，夠唔夠呀，駛唔駛加呀？" 係大大聲無禮貌個隻。
食完埋單兩個人$314。食左兩隻六吋長既椒鹽瀨尿蝦，一碟例牌大少，1/4 - 1/5係蜆殼既炒蜆，一碗白飯。
踏出呢間餐廳見到好多人係餐廳望望下入面，再望下門口既剪報.. 蠢蠢欲動想入去咁。。。
張貼