Shari Shari Kakigori House 氷屋 (已搬遷) 新店位置

食完’’吃什麼’’之後當散步行過嚟食冰，當日排左30mins左右，應該都算快架啦，留意番間鋪頭有最低消費，每人要$40蚊，當日3人同行，食唔晒2個冰，所以格硬加啲配料加到$120……（個人覺得3人去最尷尬，1個唔夠消費，2個又太多）.2位男店員好嘈，係咁亂叫，反而整冰嘅妹妹仲有禮貌，如果可以改善埋服務就完美啦.抹茶刨冰配白玉個冰真係好大個，抹茶味好重，感覺到係落左成支抹茶醬咁，個冰入面有黃豆粉，唔怕食到中間但返冰，頂頭嘅白玉其實唔係好襯冰，放耐左仲有少少硬，反而個焦糖醬就唔錯，整體黎講係好味嘅，有機會會再食！