影片
更多
2019-01-05
428 瀏覽
這店在此和食在元朗都有高度評價，話雞煲後火煱放題平靚正。 入到店有位坐低叫極冇人理，等左好耐先可以點到$158雞煲，再等左20分連碗筷叫極都唔拿來比你。 先來的是點心，水準極高。佢個雞煲乾身底冇汁，厘方面與正常雞煲後火煱的原則脱節，始終食完有d雞汁剩再加湯會好味好多，雞都好食好滑。 食唒雞煲就想點火煱料，原來係一塊過左膠的餐牌，比枝油性水筆你劃，其實幾好既夠環保，但係牙姐攞比我個牌係好油好濕，水滴滴咁比我，支筆劃極都唔上色，唯有用張tissue 抹乾淨個牌，但係抹左幾次都有部份位係完全上唔到色✓唔到格仔，個牌其實只有單面，選擇不多，諗住✓唔到就食少d算了罷。 望下人地有海鮮食，好自然就招手問牙姐，點解冇點海鮮張紙既，牙姐即刻好惡咁話，「海鮮……我點比你呀，比唔到你架喎，厨房比幾多咪比幾多你囉。」 我話，「對唔住，我第一次黎唔太清楚，我以為要自已✓先會問你啫。 」 其實有冇必要用咁既語氣對d新客呢? 你大可以話海鮮唔使點，每枱客都有送，你咁講我咪接受囉。 之後再叫佢加湯，叫幾次佢完全唔睬，唯有叫老板娘，老板娘一埋黎就開左個火，但係又唔加湯就行左去冇回頭，個雞煲本來就冇汁，個煲在乾燒下出唒
入到店有位坐低叫極冇人理，等左好耐先可以點到$158雞煲，再等左20分連碗筷叫極都唔拿來比你。
先來的是點心，水準極高。
佢個雞煲乾身底冇汁，厘方面與正常雞煲後火煱的原則脱節，始終食完有d雞汁剩再加湯會好味好多，雞都好食好滑。
食唒雞煲就想點火煱料，原來係一塊過左膠的餐牌，比枝油性水筆你劃，其實幾好既夠環保，但係牙姐攞比我個牌係好油好濕，水滴滴咁比我，支筆劃極都唔上色，唯有用張tissue 抹乾淨個牌，但係抹左幾次都有部份位係完全上唔到色✓唔到格仔，個牌其實只有單面，選擇不多，諗住✓唔到就食少d算了罷。 望下人地有海鮮食，好自然就招手問牙姐，點解冇點海鮮張紙既，牙姐即刻好惡咁話，「海鮮……我點比你呀，比唔到你架喎，厨房比幾多咪比幾多你囉。」 我話，「對唔住，我第一次黎唔太清楚，我以為要自已✓先會問你啫。 」 其實有冇必要用咁既語氣對d新客呢? 你大可以話海鮮唔使點，每枱客都有送，你咁講我咪接受囉。 之後再叫佢加湯，叫幾次佢完全唔睬，唯有叫老板娘，老板娘一埋黎就開左個火，但係又唔加湯就行左去冇回頭，個雞煲本來就冇汁，個煲在乾燒下出唒黑煙，厘次我真係忍唔住好大聲咁叫 「牙姐，加湯呀，就爆炸啦!」 老板娘才立即過來加湯。 個個食評都話老板娘有人情味，但其他員工服務差都係冇用架。
食物~手打丸，牛肉丸最好，豬肉丸肥肉比例多太鬆散，魚丸一般，肥牛肉𡁻唔開，其它都可以。 魚皮份量好多好脆好食。
送既海鮮~份量每人每様得一件，每人一隻蝦，真係有d頂癮。 蠔，蜆，鮑魚，新鮮到好似冇清洗過一様，黑邊青苔還在。 響鈴平時我淥幾秒就食，但佢竟然和海鮮一齊上，響鈴沾上魚血，浪費唒d響鈴呀，要淥到唔響先敢食。
飲品~選擇幾多下，啤酒都任飲既，酒鬼岩唒。
最後，叫左個公仔麵食，夾左箸麵入口，點解好似索左啖煙咁既? 即刻咳到我死死吓，回頭望見原來鄰桌的男人居然在室內食煙，但完全冇店員阻止或叫佢坐出戶外的枱。 咁既環境真的待不下去，結帳走人。
張貼
