木兆小品 (啟田商場)

營業中

休息中

呢間嘢嘅前身係桃園，裝修咗之後將一間野分成兩間，一間就係木兆小品，另一間就係韓樂。以前我成日都會食兩樣嘢，就係通菜牛肉飯，同埋豬扒酸辣米線，個凍檸茶尤其出色，因為係鮮檸檬榨汁出黎。餐廳開返之後，已經試咗通菜牛肉飯，已經好難食！諗住今次俾多次機會食返佢個豬扒米線，已經等咗好耐先上，點不知放入口點解爽嘅，以為佢煮得唔夠淋啦，諗住放多陣會淋啲，心諗都算數下次唔食，食多啖就想走，但係心諗真係冇可能會咁奇怪就問個阿姐，叫阿姐煮過俾我。結果個阿姐走入廚房隔咗一陣走返出嚟，佢同我講話原來今日冇晒米線頭先煮俾你嗰個係意粉。我即刻勁嬲，佢走番出嚟係咪覺得我會欣然接受嗰個係酸辣意粉就ok？大佬我平時都唔食意粉，如果你冇米線得意粉係咪都至少要出聲，結果我勁嬲，佢先至話而家煮返個米線俾你！湯意粉都可能會食得落，但係酸辣意粉真係唔夾囉好冇！呢間野真係永不超生，我以後都唔會再食！