Dough Bros Pizza & Doughnuts (MOSTown Street新港城中心大街(3期))

營業中

休息中

嘩，好嬲！好耐未試過食餐飯咁嬲！話說路過見到新開張，一家大小去試吓，見佢做緊promotion set 4人餐有2 pizza 同donut $378, 不過我唔特別好donut 同埋小朋友要食飽肚野，於是我散叫左一個pizza, 一個carbonara 同一個BBQ chicken, 同一份芝士波，盛惠$5xx。堂食其實得幾枱，但大家都無野食等緊出，我見外賣單好多，發現原來外賣有九折。我哋堂食，越等越唔對路，有乜理由等左半粒鐘乜都無得食，最後過左半粒鐘有多，先到我張單，佢一野比左4盒野我，一打開，竟然係三個pizza! What? 走去問佢，佢先話全部都係pizza!即係Carbonara 同 BBQ chicken 都係pizza! 頂！落單又唔講！問佢有冇餐具，佢竟然話無！早知係咁我使乜散叫食$5xx, 食個餐都係$378，重要堂食同外賣一樣等咁耐！pizza $168 一個完全唔值，味道同連鎖店無乜分別。呢間野我永世都唔會再幫襯，service又差，祝佢早日收工。Bad Bad Bad!