影片
更多
2010-02-23
14 瀏覽
話說星期日同班小學同學去咗旺角潮樓食開年飯，之前一早去book咗間房，諗住自成一角開心啲啦，book房嗰陣問佢有冇牌打，佢話有，5點可以開始，仲問我幾點攞房，咁我咪話5點囉。 好喇，星期日16:45上到去攞房，一入去見到間房門口寫住「張小姐宴客」，我已經面黑，不過諗住算，唔理，入到房見已經擺好咗16位大圓檯，咁我走返出去問reception姐姐啦... 我：請問係咪有牌打架？ 佢：(望咗我一望)你有話打牌咩？(跟住走去查登記簿) 我心諗，我梗係有話打牌啦，唔係我咁早嚟攞房做乜啫！就算我真係無講清楚，你都唔係咁嘅態度對客呀？ 跟住佢就無理過我，只係喺對講機嗌同事幫我set檯，我望住佢佢都唔理我，好，咁我入房等！ 跟住有個部長入嚟幫我set檯，佢將將大圓檯搬入少少，好勉強咁開咗張麻雀檯俾我，但係根本閂唔到門，有一個仲要坐到出門口咁打！我仲其實仲有少少位可以搬，我嗌部長再搬入啲張圓檯啦，佢又話有嘢頂住，唔搬！ 跟住佢出咗去，我望一望張檯，頂乜Q啫，你唔想搬咋下話，跟住最後係我同我朋友出手搬，都痴線架！搬完之後張麻雀檯終於可以入返間房，雖然間房喺堀頭巷，正常唔會有客行過，但係嗰條係員工通道喎，
好喇，星期日16:45上到去攞房，一入去見到間房門口寫住「張小姐宴客」，我已經面黑，不過諗住算，唔理，入到房見已經擺好咗16位大圓檯，咁我走返出去問reception姐姐啦...
我：請問係咪有牌打架？
佢：(望咗我一望)你有話打牌咩？(跟住走去查登記簿)
我心諗，我梗係有話打牌啦，唔係我咁早嚟攞房做乜啫！就算我真係無講清楚，你都唔係咁嘅態度對客呀？
跟住佢就無理過我，只係喺對講機嗌同事幫我set檯，我望住佢佢都唔理我，好，咁我入房等！
跟住有個部長入嚟幫我set檯，佢將將大圓檯搬入少少，好勉強咁開咗張麻雀檯俾我，但係根本閂唔到門，有一個仲要坐到出門口咁打！我仲其實仲有少少位可以搬，我嗌部長再搬入啲張圓檯啦，佢又話有嘢頂住，唔搬！
跟住佢出咗去，我望一望張檯，頂乜Q啫，你唔想搬咋下話，跟住最後係我同我朋友出手搬，都痴線架！搬完之後張麻雀檯終於可以入返間房，雖然間房喺堀頭巷，正常唔會有客行過，但係嗰條係員工通道喎，而且你叫我坐到出房門口打牌，咁我book間房嚟做乜？
到啲朋友陸逐嚟，個個都問我做乜門口寫住「張小姐宴客」，我頂唔順，反轉咗張紙算數，我費事叫佢print過張，唔想浪費紙張。點知有個部長行過見到張紙反轉咗，又召阿reception姐姐埋嚟問，跟住姐姐望住我，問我唔係姓張咩？我話係，不過係我本人，跟住佢又唔出聲行咗去。嘩，想點呀......
到後來打完牌食飯，都係我地自己搬返張圓檯咋...
今時今日仲有啲咁嘅服務態度，唔係我好脾氣加埋新年流流，你真係睇我同唔同你開年！
我講過，呢間嘢我係唔會再去，坐房已經特別貴，仲要受氣，你去埋我份啦！
張貼