辣蟹莊 (已搬遷) 新店位置

之前同事食過話啲粥好好味，今日farewell同事就去左食，我真係好期待，但估唔到。。。點心普普通通，魷魚鬚同九肚魚好味，外脆內軟無油"益"味，我主要想講粥。叫左2個粥，一個蟹粥，一個魚粥，都係$148，夠3-4人食。蟹粥:有鮑片，蝦，蟹。鮑片無味偏韌，蝦完全唔新鮮，蟹唔方便食，無爆開個鉗又無工具，完全食唔到入面啲肉。重點係個粥底，無蟹味都算，啲粥係用隔夜飯煲成粥，仲要一舊舊飯痴住，我真係好嬲，點解等左1.5hr嘅粥係咁，真係好難食。魚粥:一個字，腥。啲粥又係用隔夜飯煲。俾$148，食啲咁嘅粥真係嬲。唔知係年尾多人去食定點，上菜勁慢，點心基本係5分鐘先上一個，仲要一個一個咁上，13個點心用左1.5hr先上完。粥本身以為係生滾即煲所以耐都接受，點知係咁嘅粥永無下次。