生記山西刀削麵 (已結業)

我哋周不時都會想食刀削麵！去慣呢間，就繼續去啦！我哋每次都係嗌手撕雞刀削麵！一係湯麵🍜一係炒！我就鍾意炒，我老公就通常都係湯！佢哋真係自己喺廚房拉麵！今次俾我見到！師傅打到拍拍聲㗎！佢哋呢度有得揀口味，例如可以揀麵條係薄身定係厚身，辣度亦都有得揀。以前冇得揀我就覺得佢太厚，所以我嗌咗薄身，再加底，中辣！佢箇中辣唔係好辣，都唔㷫口，似小辣多啲，下次可以試試大辣！今次再嗌埋佢個皮蛋！呢個就出色啦！好食過譚仔嗰個，重點係我已經好鍾意食譚仔嗰個！