永華麵家 (已結業)

上次睇雜志見到介紹永華麵家被推評為一星米其林，之前我唔知有呢家麵店，可以評為一星，估計味道應該可以吧，加上香港可以食到正宗嘅竹升麵比較難揾，再加今日要去附近辦事，店面唔起眼，但好多人排隊。點左個鮮蝦云吞麵，呢度嘅特色菜，味道真系好好，值得推薦，云吞爽口，餡調得好味。麵就更系特色了，傳統嘅手工竹升麵，加拿大面粉，鴨蛋+雞蛋，經過老師傅用竹升慢慢咁整出嚟，所以面好有筋道，唔系果D一煮就爛，湯底都幾好飲，幾清甜。紅豆沙都系值得一試嘅糖水，煲得曬時間，紅豆全部都煲到軟爛，再加入新會陳皮，豆香加陳皮，甜度又剛好，不過唔中意陳皮味嘅朋友仔就唔好點呢個喇。南乳豬手，豬手都浸入曬D南乳味，好香，又煮得好淋，味道好濃但又唔膩，值得一試。