尚興潮州海鮮飯店 (已結業)

以前公司farewell去過，十幾個人食的幾開心。因為老公係潮州人，所以今日同佢來食，點佐檸檬蒸烏魚，蠔餅，炸豆腐，雜菜粉絲煲，芋泥。等佐半粒鐘，一個阿姐同我哋講烏魚賣晒，想著仲有蠔餅食，又等佐四個字，點解蠔餅仲未上，問佐服務員，佢話蠔餅一早就賣晒！一路都無人同我哋講！真係火滾。我已經唔想食了，話要埋單走人，D服務員大叔先道歉送糖水，其實我們一落座就叫佐一個糖水，阿姐話無佐。今次覺得D餸口味差好多，炸豆腐好鹹，芋泥又太甜，西芹炒雙魷老佐，粉絲煲就不過不失。總之以後都不想再光顧，我都體諒服務員大叔大嬸好辛苦，所以我們靜雞雞等佐好耐，咁敷衍我哋真係好惱！