影片
更多
2012-06-30
50 瀏覽
睇咗openrice好多年，今次忍唔住要寫一次。老友生日，一行十人為他慶祝，千揀萬揀，揀著一肚氣 !!!!!!!!因為有下場節目，所以提早6:30就開餐。這裡是一所三層高的村屋，地下是廚房和可以坐兩三圍的地方，一樓全層大約可以坐八圍左右。我地係選擇了$300位的套餐（其實佢d套餐由$250-400位，但全部睇落去好似一樣咁）雖然以咁嘅價錢可以吃到咁多樣嘢算抵，但吃完之後，我寧願俾多少少錢去吃其他海鮮菜館。秘制海鮮湯：都係將d魚、豆腐、芫茜、味精⋯滾埋一煲的魚湯，但問老闆娘用乜嘢魚來煲，同埋點秘制法，佢答話係用石班仔同立魚，煲佢幾個鐘⋯⋯⋯佢真係當我儍，一睇d魚骨就知唔係石班仔同立魚，只係d普通下欄雜魚嚟 >=<清蒸鮑魚仔：無乜特別，鮑魚仔新鮮度一般。蒸扇貝：隻隻扇貝都唔黐殻，好有將d殻番用再加急凍帶子的感覺。問伙記點解唔黐殻，同埋無晒d帶子裙邊？佢話師傅好體貼地先用刀幫我地起咗粒肉出嚟，驚我地起唔到喎!信不信由你!!!!龍蝦伊麵：舊舊都係殼，D肉唔知去晒邊，伊麵味道OK，但點解一隻龍蝦有三支大觸鬚嘅？？？清蒸海班：蒸到有點＂鞋＂口，而且d豉油好似湯咁多，浸到條魚只有豉油
因為有下場節目，所以提早6:30就開餐。這裡是一所三層高的村屋，地下是廚房和可以坐兩三圍的地方，一樓全層大約可以坐八圍左右。我地係選擇了$300位的套餐（其實佢d套餐由$250-400位，但全部睇落去好似一樣咁）雖然以咁嘅價錢可以吃到咁多樣嘢算抵，但吃完之後，我寧願俾多少少錢去吃其他海鮮菜館。
秘制海鮮湯：
都係將d魚、豆腐、芫茜、味精⋯滾埋一煲的魚湯，但問老闆娘用乜嘢魚來煲，同埋點秘制法，佢答話係用石班仔同立魚，煲佢幾個鐘⋯⋯⋯佢真係當我儍，一睇d魚骨就知唔係石班仔同立魚，只係d普通下欄雜魚嚟 >=<
清蒸鮑魚仔：
無乜特別，鮑魚仔新鮮度一般。
蒸扇貝：
隻隻扇貝都唔黐殻，好有將d殻番用再加急凍帶子的感覺。問伙記點解唔黐殻，同埋無晒d帶子裙邊？佢話師傅好體貼地先用刀幫我地起咗粒肉出嚟，驚我地起唔到喎!信不信由你!!!!
龍蝦伊麵：
舊舊都係殼，D肉唔知去晒邊，伊麵味道OK，但點解一隻龍蝦有三支大觸鬚嘅？？？
清蒸海班：
蒸到有點＂鞋＂口，而且d豉油好似湯咁多，浸到條魚只有豉油味。
郊外油菜：
顧名思義：「油菜」真係油到爆！
美極蝦：
應該係全晩最好味的「美極急凍蝦」
椒鹽瀨尿蝦：
每人一隻好大隻，但全枱人有3隻係梅嘅 @=@
蛋白蒸蟹：
無膏無肉無乜味，街巿$100三隻的貨識！
生炒糯米飯：
真心話，全晚最好味的，但明明是一間海鮮食店，點解會係糯米飯最好味嘅？
最令人氣結是最後的一幕，由於佢地上菜速度超快（快到影唔切相）而我們又吃得較慢，大約7:45老闆娘行過話：唔好意思，你地張枱有人訂咗7:30，人地到齊等咗好耐，不如你地埋咗張單先啦！轉身望後，見有老有嫩企咗響度，都唔好意見慢慢食。點知拎返轉頭，伙記已經動手，將我地d骨碟放落去d未吃完的糯米飯和龍蝦伊麵度>=< >+<大佬呀！一個鐘食10樣餸，點食呀！我地已經超快地將所有嘢放落口，你想番枱做多輪生意都唔駛咁！所以我一定要將呢件事寫出來俾大家知！
張貼