Kam's Cafe (已結業)

星期六早上， 諗住舒舒服服食個brunch ，見太古城呢間好似準備開門 ，就諗住試下。點知企喺門口等咗幾分鐘 (已經11:07am)都未開，突然有個員工出嚟，我哋問佢係咪準備開門 ，佢黑曬口面， 好似我得罪佢全家咁，好惡答我 "依家咪開囉"!! 跟住入到去坐，啲員工先至陸陸續續返工， 仲要企喺啲客面前食早餐， 大家嘻嘻哈哈講早晨、傾計、講自己嘅嘢。 當時店內有3枱客， 店員有6位， 全店也是遍佈呢6位員工的笑聲、傾計聲!食物質素差得很， 未食過似水咁希的咖哩 、有雪味的薯條、 醃都唔似牛肉嘅牛肉 、 仲要唔記得落鹽，問佢攞鹽樽， 佢比樽黑椒! 員工抹完枱，塊布仲要從遠距離拋物線掟返入去counter入面， 我不是看錯吧 !! 真係嚇死我!普通茶餐廳都唔會咁差， 仲要係收成100蚊一個set lunch的餐廳，見咁嘅服務態度， 咁嘅食物質素， 全香港都難搵， 以後也不會再去!