Jan Jan 串揚專門店 (鉅芝樓)

營業中

休息中

印象中呢一間炸串店永遠都係我哋嗌完交嘅時候做咗一個橋樑 （每次我都會揀呢一間餐廳）雖然個心有啲唔舒服，但係食嘢真係可以令到我平靜返啲今次都唔例外，我記得係朝頭早，我哋仲鬧得面紅耳熱，食完早餐佢車咗我去要去嘅地方之後又開始冷戰，又係我主動撩返佢食夜晚飯，還好最後呢一次佢肯睬返我（但係明明成件事都係佢唔啱）😥講返嘢食先點都好呢一間真係我首選嘅串燒店，雖然一開始感覺好似好油膩咁，但係你食過就會知道完全唔係嗰回事，佢個炸皮真係做得好好👍🏻當然佢都有啲正常串燒，不過嚟到呢度梗係Focus返喺炸串啦！佢連炸雞蛋都可以做到入面半生熟，帶子炸串入面仍然好Juicy串燒係我嘅Favorite ，冇辦法啦，又可以食多幾樣又唔會太飽。