龍島 (已結業)

一直都好想試下龍島D蛋糕~既唔太貴~賣相又吸引~今日經過德福~決定買返一個返屋企試~入到去真係花多眼亂~好多個cake o既賣相都非常吸引~之後望到"朱古力香蕉心太軟奇趣蛋糕"~聽個名已經好吸引~~~蛋糕個description形容得重吸引~外層係純黑朱古力醬~中間係朱古力淡芝士~最內層係芒果汁+鮮香蕉粒~底層重有朱古力海綿蛋糕+榛子朱古力脆脆~wow~~~一向鍾情朱古力+香蕉o既我~決定左一定要試佢~!返到屋企即刻開黎試~表面層朱古力溶溶地好正~而且朱古力味亦夠濃~內層o既香蕉加mosses一齊食~口感更加滿足~!!!成個cake所有配料都好match~好正~回味無窮~雖然呢個cake望落細細個~但食1/8已經好夠滿足~食得太多反而可能會太漏~呢個size就o岩o岩好~食完之後真係覺得好滿足~呢個蛋糕絕對係氹自己~錫人地o既最佳選擇~!!!會再來試其他的~!!!!