影片
更多
2015-10-12
231 瀏覽
呢晚約咗啲好耐無見嘅同學聚舊，原本打算搵間類似放題嘅野食, 可以慢慢食再坐低吹下水咁點知行下行下原來呢頭真係無咩放題, 路過一個籃球場見到個廣告賣緊關於烤魚嘅廣告, 於是我地就決定去試一試。我地去到人唔算太多, 所以唔使等就有位，坐低之後, 先慢慢揀野食, 我地幾個人咁耐無見緊係要揀啲正野食，所以我地就叫左條沙巴龍躉，另外仲 order 咗一系烈嘅配菜，等食完條魚之後拎黎煮。跟我地就食住店鋪提供嘅花生，一邊吹水, 一邊等，大概等左 5至10 分鐘, 條魚就黎啦!!條魚真係好好肉地，餐廳灑左一大把孜然粉係個表面上，對於我呢啲孜然粉愛好者真係正到飛起喇，店員話龍躉要係我地個枱繼續加熱，等完全加熱之後先可以食架，所以我地再等左一陣先得。等多左一陣，終於滾左喇，一滾左之後，大家就即刻瘋狂咁搶果啲魚肉，龍躉真係超好食，好有鮮味之餘，連魚皮都非常之咁有咬口，絕對正呀喂，當大家瘋狂咁食完條魚之後，我地就開始落配料。百福豆腐，呢個豆腐真係要叫一叫，煮完之後入口超滑，不過有樣野比較麻煩，佢比較易爛，夾嘅時候要小心喇。竹笙，呢個竹笙又係要叫嘅，因為佢會吸收魚湯，煮完之後佢就會充滿魚湯嘅味道。超鮮甜。牛肉粒
點知行下行下原來呢頭真係無咩放題, 路過一個籃球場見到個廣告賣緊關於烤魚嘅廣告, 於是我地就決定去試一試。
我地去到人唔算太多, 所以唔使等就有位，坐低之後, 先慢慢揀野食, 我地幾個人咁耐無見緊係要揀啲正野食，所以我地就叫左條沙巴龍躉，另外仲 order 咗一系烈嘅配菜，等食完條魚之後拎黎煮。
跟我地就食住店鋪提供嘅花生，一邊吹水, 一邊等，大概等左 5至10 分鐘, 條魚就黎啦!!
條魚真係好好肉地，餐廳灑左一大把孜然粉係個表面上，對於我呢啲孜然粉愛好者真係正到飛起喇，店員話龍躉要係我地個枱繼續加熱，等完全加熱之後先可以食架，所以我地再等左一陣先得。
等多左一陣，終於滾左喇，一滾左之後，大家就即刻瘋狂咁搶果啲魚肉，龍躉真係超好食，好有鮮味之餘，連魚皮都非常之咁有咬口，絕對正呀喂，當大家瘋狂咁食完條魚之後，我地就開始落配料。
百福豆腐，呢個豆腐真係要叫一叫，煮完之後入口超滑，不過有樣野比較麻煩，佢比較易爛，夾嘅時候要小心喇。
竹笙，呢個竹笙又係要叫嘅，因為佢會吸收魚湯，煮完之後佢就會充滿魚湯嘅味道。超鮮甜。
牛肉粒，呢度嘅牛肉粒好有牛肉味，不過佢煮耐點都唔怕，因為即使煮得耐，佢都唔會變像根咁，反而愈黎愈好食。
海鮮拼盤，呢個拼盤入面有蝦、花甲、青口同埋花枝片，再用埋一埋金針菇墊底。蝦真係大大隻架，入口超有口感，蝦肉超結實。花甲又係，煮之前都仲未死，超新鮮，煮完入口好鮮甜。花枝片入口比想像中更好，入口好爽口。金針菇都好唔錯， 煮完之後入口夠爽，一睇就知係新鮮嘅。
鬼馬雙拼，所謂鬼馬雙拼即係油炸鬼釀入蝦膠或者油炸鬼釀入墨魚膠，之後兩者各有6件而成嘅一個拼盤，可以放入鍋中煮數十秒或者直接點甜酸醬食用。
我比較喜歡直接點甜酸醬食，脆卜卜咁真係好鬼正。今次都算係第一次係香港食呢種烤魚，感覺真係唔錯，無論魚或者啲配料都算唔錯，下次再約frd食下先。。。
張貼
