汀汀烤活魚 (已結業)

閒談間，原來老婆未食過烤魚鍋，所以今日同老婆囡囡黎汀汀烤活魚食。三坡坊係我以前最鐘意同朋友收工過黎聚腳既好地方，打下邊爐，飲下啤酒，三坡坊有好多不同餐廳，有小菜、有打邊爐、有烤魚鍋、雞煲等等，間間餐廳都非常熱鬧。餐廳有兩層，7點到達未開始多人，所以安排下層座位，台上已放了一碟花生，見到花生就好自然想飲啤酒。烤魚鍋有3款，有魽魚、桂花魚、沙巴龍躉，我地點左沙巴龍躉，湯底有5款辣，只有一款唔辣，因老婆同囡囡唔食辣，所以選擇了酸菜味。好快黎到啦，原本對酸菜有點抗拒，估唔到黎到，係好香好香，一點酸的感覺都冇，魚上鋪滿好多芫茜、大蔥、花生、酸菜、小量豬皮同豆卜、魚都算大條，大多數都係大骨，魚皮上加了好多調味粉，當然一定有孜然粉，烤到好香，食落仲好惹味，魚肉好嫩滑，而且好鮮甜美味，連囡囡唔鐘意食魚都食左好多，個湯底仲鮮甜。我地仲叫左火鍋配料打邊爐，我地係牛魔王當然點左碟手切牛魔皇，牛魔皇手切略厚，但牛味濃郁，有小小柴口手打雙併蝦滑（蟹子墨魚滑、蟹子蝦滑）-兩款都好好味，爽滑彈牙口感，墨魚滑和蝦滑加入了蟹子，另口感更加豐富響鈴