港嘢茶檔 (已結業)

汁多過豆腐既麻婆豆腐飯。一心諗住叫一個少啲肉丶方便食嘅午餐。價錢係小菜價錢，但質素係兩餸飯都不如。雖然呢個餸唔係招牌菜式，但係放得落餐牌質素都要見得人！食咗兩啖，嬲到要影相記錄！職員聲稱呢個餸係即叫即做，但嚟到只係暖嘅！豆腐本身就冇咁易凍！啲豆腐不但少，仲好碎，完全冇麻辣味。其實整得咁差，不如唔好將呢個餸放在餐牌。杯奶茶都係一般，冇茶香，連麥當勞港式奶茶都不如。呢個午餐，真係影響我星期日放假嘅心情。