越北牛肉粉

營業中

休息中

趕時間又見其他鋪要等位所以入去快速食一餐叫左個一人餐$88 包一個主食、小食同飲品豬頸肉一人份量，唔算入味，亦都冇醬料提供，跟住上嘅醃菜味道普通。不過豬頸肉雖然烤過但唔會乾，外皮香脆，加返少少分。但整體嚟講唔太值得試。生牛肉河粉賣相普通，一團糟。不過落單嗰陣可以揀走蔥、走芽菜、走蒜、甚至走金不換，幾貼心。青檸同辣椒跟住上，但我個青檸乾到一滴汁都擠唔到出嚟，索性成個檸檬掉落去。湯底普通，牛骨味唔重不過有香料味，我幾鍾意佢有蔥絲同時有埋蔥粒，多啲口感亦都多啲蔥香味。牛肉算有牛味，大概係凍肉舖$58-78磅嘅質素。朋友嗰碗生牛肉河賣相好啲，而且啲牛夠生，呢樣好重要。整體嚟講不過不失，唔會專登去食。