影片
更多
2009-01-21
9 瀏覽
做午市，真係一輪輪，快手翻檯就算。呢個餐飲業定論絕對可以係新世紀一壽司見得到。午市有多款套餐，價錢由三十幾到五十幾蚊不等，不包飲品，要加特式飲品就 $9 一杯，另收加一。我同朋友叫左兩個餐 Share 食。首先要講明，味道真係無問題既，中等貨色，但係賣相同服務就真係跟足「午市定論」。1. 自選壽司 (兩款各四件) + 豬骨湯拉麵 ($45)自選壽司係有指定八款既，任揀兩款，每款四件。我地揀左牛油果鰻魚壽司同埋三文魚卷。幾舊壽司都好明顯係拿拿臨包，噓噓聲切，所以真係散修修，點一點豉油，就半件跌左落豉油碟。至於個豬骨湯拉麵就真係經典，係我咁大個仔以來食過最細 Size 既拉麵，只係比屋企隻飯碗大少少。咁都不特止，碗入面有半邊係吉既，只有湯，另外半邊先有麵同配菜，可以放到得半隻碗裝野都真係令人嘆為觀止。2. 海膽海鮮炒飯 + 兩件加州卷 + 麵豉湯 ($42)海膽海鮮炒飯係全張檯最似樣既食物，味道上佳，不過海膽真係得好少，要扣分，而且同炒飯味道都唔夾，咁不如平 $10 俾我，就咁海鮮炒飯算啦。兩件加州卷……又細又散，即係同你「拿埋一住」咁放入口無乜分別。服務都真係好求其下，晚市幫襯都會「多謝
呢個餐飲業定論絕對可以係新世紀一壽司見得到。
午市有多款套餐，價錢由三十幾到五十幾蚊不等，
不包飲品，要加特式飲品就 $9 一杯，另收加一。
我同朋友叫左兩個餐 Share 食。
首先要講明，味道真係無問題既，中等貨色，
但係賣相同服務就真係跟足「午市定論」。
1. 自選壽司 (兩款各四件) + 豬骨湯拉麵 ($45)
自選壽司係有指定八款既，任揀兩款，每款四件。
我地揀左牛油果鰻魚壽司同埋三文魚卷。
幾舊壽司都好明顯係拿拿臨包，噓噓聲切，所以真係散修修，
點一點豉油，就半件跌左落豉油碟。
至於個豬骨湯拉麵就真係經典，
係我咁大個仔以來食過最細 Size 既拉麵，
只係比屋企隻飯碗大少少。
咁都不特止，碗入面有半邊係吉既，只有湯，
另外半邊先有麵同配菜，
可以放到得半隻碗裝野都真係令人嘆為觀止。
2. 海膽海鮮炒飯 + 兩件加州卷 + 麵豉湯 ($42)
海膽海鮮炒飯係全張檯最似樣既食物，味道上佳，
不過海膽真係得好少，要扣分，而且同炒飯味道都唔夾，
咁不如平 $10 俾我，就咁海鮮炒飯算啦。
兩件加州卷……又細又散，
即係同你「拿埋一住」咁放入口無乜分別。
服務都真係好求其下，
晚市幫襯都會「多謝前多謝後」，
午市就真係茶餐廳服務水平。
全餐本應係 $95.7，打單竟然自動收足齊頭 $96，
呢一種營運方法唔值得鼓勵，係應該抨擊既，
始終貼士 (雖則三毫子) 始終係客人既意願。
全餐 $96，平均每人 $48，無餐飲。
比起好多打工仔黎講，呢個午市價錢已經算貴，
尤其是仲要咁既時勢。
不過唔明點解仲有咁多學生仔去食架呢？好富有喎！
張貼
