越北牛肉粉專門店 (已結業)

在沙田其實無咩野特別岀色好食，呢一晚就諗住求其食就算。原本諗住食元氣，但實在太多人，見到旁邊有越南河，就諗住試下。其實間野叫越北，叫了一碗生牛河，一碗火車頭河，一份蒜香牛油雞翼。生牛河既牛真係全生，所以一定要撈落碗底整熟佢。啲粉質地還好，不會斷，牛肉算多，但上碗時因爲全部整埋一團，所以要好快整散整熟先好食。至於牛肉質量就十分普通。配菜蘿蔔有渣，不好吃。火車頭牛肉同生肉河的是一樣，就不再多說，牛丸普通正常，亮點在於牛腩，淋身，重牛味。雞翼面無乜油，內裏肉質剛好，可惜在蒜香不足，只有牛油味。總結可以一試，未必有下次。埋單接近二百元。