純燒鳥 (已結業)

純燒鳥以明火燒烤, 地方骨子, 正宗地道, 係我好喜歡的日本串燒店. 上一次來, 巳經係舊年的事. 所以當公子中午打來問我去唔去呢庶宵夜時, 我係無法子唔"lur"飯應!!!同朋友嚮Aspasia道別後, 就趕來同公子會合. 由於公子以為我來緊所以叫定d野食, 點知我又遲左, 搞到食物有d攤凍左, 自然冇咁好食. 不過食物水準普遍唔錯, 而當日(係一個我特別重視的紀念日)能以一個當今世上最好食的燒飯團作結, 無憾矣...1) 燒魷魚 - 凍左, 有d韌, 本身亦唔太鮮味.2) 燒粉腸 - 幾特別, 不過又係凍左.3) 燒銀杏 - 唔係日本銀杏, 有d苦4) 燒雞皮 - 脆得來仍保持一點油脂, 水準之作.5) 燒雞潤, 雞心 - 雞心爽口, 雞潤甘腴, 得!6) 燒牛舌 - 薄, 亦較韌, 唔係好得.7) 燒年糕 - 燒汁惹味, 煙靭軟糯, 一流!8) 燒明太子飯糰 - 我唔形容了, 信我! 係世上最好食的燒飯團. 係好食到如果有人隊個飯團來向我求婚, 我會毫不留情地嫁比佢!!!!! 男女都冇所謂....謝謝公子!