影片
更多
2023-07-07
147 瀏覽
附近放lunch想食餐好少少嘅burger，雖然餐牌明顯紅色列1同2打錯，但都無影響我心情照試試佢比大家參考返，紅色2正確名稱係和牛漢堡午市時間人多，咁啱我入去個吓得一張四人桌。落完單一陣嘢食都未嚟，因為有一桌三人客，店員就請我過另一張吉檯。我亦唔阻人搵食，直接轉去細檯結果我唔阻佢搵食，但佢就唔比嘢我食等咗差唔多半個鐘頭我都未有嘢食，但結果我讓位比佢嘅三人客已經有個burger放喺佢檯面三人客應該都叫咗和牛釀大啡菇漢堡，見佢拎嚟就食咗幾條薯條。但見唔到大啡菇就搵佢退貨咁啱就比我轉頭見到店員係咁同佢講唔好意思比錯咗，又聽到幾個店員圍埋傾話個人客話無食過burger，於是入廚房一轉就出返嚟我見個客應該真係無郁過burger，同埋我又趕時間返工，於是廢事吵諗返覺得自己唔啱結果burger 係廚房一陣再出返嚟我就後悔離遠已經見到個包面黑咗我廢事怪錯佢，咬一咬睇吓係咪真係燶我估佢因為好貼心咁想幫我翻熱返個burger 唔想凍上，最後比咗一個燶包配all done牛扒嘅burger比我簡單一個lunch完全睇得出呢間小店對自己幾無要求餐牌，錯嘅好心配合佢調位，無跟進返我張單90蚊一個lunch，深
附近放lunch想食餐好少少嘅burger，雖然餐牌明顯紅色列1同2打錯，但都無影響我心情照試試佢
比大家參考返，紅色2正確名稱係和牛漢堡
午市時間人多，咁啱我入去個吓得一張四人桌。落完單一陣嘢食都未嚟，因為有一桌三人客，店員就請我過另一張吉檯。我亦唔阻人搵食，直接轉去細檯
結果我唔阻佢搵食，但佢就唔比嘢我食
等咗差唔多半個鐘頭我都未有嘢食，但結果我讓位比佢嘅三人客已經有個burger放喺佢檯面
三人客應該都叫咗和牛釀大啡菇漢堡，見佢拎嚟就食咗幾條薯條。但見唔到大啡菇就搵佢退貨
咁啱就比我轉頭見到店員係咁同佢講唔好意思比錯咗，又聽到幾個店員圍埋傾話個人客話無食過burger，於是入廚房一轉就出返嚟
我見個客應該真係無郁過burger，同埋我又趕時間返工，於是廢事吵諗返覺得自己唔啱
結果burger 係廚房一陣再出返嚟我就後悔
離遠已經見到個包面黑咗
我廢事怪錯佢，咬一咬睇吓係咪真係燶
我估佢因為好貼心咁想幫我翻熱返個burger 唔想凍上，最後比咗一個燶包配all done牛扒嘅burger比我
簡單一個lunch完全睇得出呢間小店對自己幾無要求
餐牌，錯嘅
好心配合佢調位，無跟進返我張單
90蚊一個lunch，深水埗都唔會叫平價，結果又燶又煮過龍都拎出嚟比客人
你驚出錯餐令我等得耐，麻煩可以問吓我意見，睇吓我想重新整定點，想唔想轉外賣。但我見嘅係你係咁同人地檯客講對唔住，佢話無食過你就照上比我，但無用過一秒係我呢個嘢都無得食嘅客到問吓我想點處理一間對自己有要求嘅食肆唔會咁做嘢
呢啲經驗真係一次都覺多
張貼
