新南苑大排檔

營業中

休息中

朋友準備結婚派帖，但出面環境惡劣，德福同淘大商場都早關門，邊度都冇得去，於是近近地喺朋友返工嘅地方求其搵一間餐廳就去食。由於附近得譚仔同街市，於是我哋就上咗去街市市政大廈。上面環境都幾大，有好多張大約20-30張圓台，每一台嘅人塊面都係紅卜卜，一睇就知可以飲啤酒，但由於我哋個個都第二朝要返早，於是沒有飲。五個人，有男有女，叫咗四個餸，埋單$405，都幾抵。每個餸都大大碟，味道又唔差，不過都有改善地方。而且侍應都非常友善有禮貌，亦願意幫忙，食得幾開心。見到其他人都會食火鍋，都幾吸引，這個地方環境適合一大班人吹水閑聊。