汐

營業中

休息中

今日我同朋友嚟銅鑼灣試呢間新嘅日本餐廳，我哋就揀咗坐榻榻米區，因為想坐得闊落啲😊。木系設計，比較日式風情🇯🇵，環境非常舒適，視野都幾開揚。佢哋規定用膳時間係90分鐘，不過如果係50分鐘內交枱，就會有75折優惠，好抵呀💸！牛肉壽喜燒🐂牛肉燒得好嫩滑，牛肉汁好入味，仲有蔥花鋪面，豐富又美味，感覺好飽肚。醬油漬角切三文魚配醬燒三文魚腩丼物🐟非常清新爽口，三文魚都好新鮮，角切三文魚沾滿醬油，三文魚腩經過炙燒之後又香又脆，配埋蟹籽、青瓜粒等配菜，超級好食😋！餃子大阪燒🥟餃子煎到又香又脆，再淋上大阪燒汁同撒滿木魚碎，個配搭真係絕配。吉列炸蝦餅🍘炸得好熱辣辣，外層好脆，但裡面嘅蝦仁同蝦肉都好彈牙，配埋沙律醬更加解膩。炸椎茸冬菇好鮮嫩🍄‍🟫，蝦肉好彈牙，淋埋檸檬汁就更開胃啦。