一條腸粉 (已結業)

前2日行花園行辦年貨，行去巴士站見一間專食潮式汕尾腸粉及風味食物店。去到梗係要食腸粉啦～而且選擇同配搭都好多, 生菜、蔥花及芽菜是根本可以加的，其他配料按價錢自由配搭。每次可以多款配料看個人口味，選出你自己喜歡的腸粉。我和朋友點了二碟腸粉同特色地道汕尾小食，第一碟腸粉有雞蛋、生菜、蝦、 臘腸同蔥花。腸粉要扭曲形，腸粉都幾滑溜, 我要嘅配料都落齊，味道同腸粉都好夾。至於豉油味帶點蒜香都不錯, 加埋雞蛋的蛋味令腸粉更香滑。另一款腸粉有蠔仔、菜脯及生菜。蠔仔配腸粉效果不錯，加埋菜脯帶點鹹味更不錯。汕尾菜茶都係第一次食，原來有雜菜、米通、花生、粉絲、臘肉同豬肉碎等。雜菜湯底清甜, 雖然加入了臘肉, 但唔會太有油膩的感覺，整體上都算特別，下次都可以再食。另外再點多一碗海豐扁實，其實係潮式雲吞，湯底清甜，雲吞都好食，大大啖可以一口一粒，都唔太差。腸粉店冇水提供，所以要order飲品，我好喜歡飲天地一號，其他係蘋果醋我，每次見到必定order， 而我朋友就飲津路烏龍茶。